استغاث الفنان كريم الحسيني، بدار الإفتاء المصرية، وذلك بعد منه من دخول أحد المساجد في المقطم، أثناء ذهابه لآداء صلاة العصر.
كريم الحسيني: الراجل بيقولي معلش إحنا قفلنا الجامع
ونشر كريم الحسيني، فيديو عبر حسابه الرسمي بموقع «انستجرام»، قائلا: «لما أبقى ماشي على طريق وأركن وأكون عاوز أصلي العصر والساعة دلوقتي مكملتش خمسة ونص، ولسه الناس بتخرج من المسجد، المسجد اسمه الشهيد أحمد حسن الجندي في المقطم، ولما أركن وأقول له عاوز أدخل أصلي العصر، يقول لي معلش إحنا قفلنا الجامع».
كريم الحسيني: قالي صلي في البيت
وأضاف: «قلت له بتتكلم جد ولا بتهزر قال لي بتكلم جد، قلت له طيب أنا مش جايلك في صلاة المغرب أنا جاي لك في صلاة العصر، ولسه الناس ماشية، بقوله اللي عاوز يصلي يعمل إيه، قال لي جملة في منتهى الكوميديا، قال لي يصلي في بيته».
وتابع: «قلت لو أنا مش في البيت وركنت وعاوز أصلي يكون فين، قال لي أنا عبدالمأمور، يعني أطلع المصلية وأصلي هنا في الساحة موافق طيب هل ممكن أدخل أتوضى رفض، وقال آسف، قلت له طيب أتيمم ولا أدخل اتوضى في كافيه».
و اختتم: «هل إحنا وصلنا لهذه الدرجة، بتكلم بجد وسؤال لكل الناس هو احنا بنقفل الجوامع بعد الفريضة مباشرة، ده العصر مفتوح لغاية المغرب، هل ده يعقل، ردوا عليا يا أهل الخير».
View this post on Instagram
A post shared by كريم الحسينى Karim El7uossiny (@karimel7uossiny)
اقرأ ايضًا
كريم الحسيني ينعى تامر ضيائي برسالة مؤثرة: مابناخدش بالنا إن ممكن يكون آخر لقاء
