وأضاف أن القرار صدر منذ فترة بشأن غلق المساجد الصغيرة بعد أداء الصلوات، مؤكدا أن هذا القرار ليس بالجديد.

وتابع المصدر قائلا: “ربما يكون هذا الفنان جاء متأخرا والتعليمات للمساجد الصغيرة هي الغلق بعد الصلوات مباشرة”.

وكان الفنان كريم الحسيني وجه تساؤلا لدار الإفتاء ورجال الدين بعد منعه من دخول أحد المساجد في المقطم لأداء صلاة العصر بسبب غلق المسجد بعد أداء الفريضة مباشرة.

وقال كريم الحسيني في فيديو عبر حسابه بموقع “إنستغرام”: “سؤال لدار الإفتاء ولشيوخ ولرجال الدين، لما أبقى ماشي على طريق وأركن وأكون عاوز أصلي العصر والساعة دلوقتي مكملتش خمسة ونص، ولسة الناس خارجة من المسجد، وأنا قدام مسجد الشهيد أحمد حسن الجندي في المقطم، ولما أركن وأقول له عاوز أدخل أصلي العصر، يقول لي معلش إحنا قفلنا الجامع”.

وأضاف كريم الحسيني مستنكرا: “قلت له بتتكلم جد ولا بتهزر؟ قال لي بتكلم جد.. قلت له طيب أنا مش جايلك في صلاة المغرب أنا جاي لك في صلاة العصر، واللي عاوز يصلي يعمل إيه”.

وتابع قائلا: “قال لي جملة في منتهى الكوميديا، قال لي يصلي في بيته، قلت لو أنا مش في البيت وركنت وعاوز أصلي.. قال لي أنا عبد مأمور.. قلت له العيب مش عليك العيب على اللي أصدر القرار”.

وأكمل كريم الحسيني: “قلت له يعني أطلع المصلية وأصلي هنا في الساحة موافق طيب؟ هل ممكن أدخل أتوضى؟ رفض.. قلت له طيب أتيمم ولا أدخل أتوضى في كافيه؟ هل إحنا وصلنا للدرجة دي؟ لو عاوز أصلي العصر بعد نص ساعة من وقت الفرض نقفل الجوامع؟ السؤال ده لكل البشر.. بنقفل الجوامع بعد الفريضة مباشرة ليه؟ ده وقت العصر مفتوح لحد المغرب… هل ده يعقل؟”.