مركز القلم للأبحاث والدراسات "يابنى كونا للظالم خصما و للمظلوم عونا"..الإمام علي (عليه السلام)
بقلم :سعدني السلامونى
كتبت عام
2009
يركب الغرب متن الريح مبتدعا
ماقصرت عن مداه حيلة الناس
فان للشرق فضل السبق نعرفه
للجهورى وعباس بن فرناس
قد مهدا سبلا للناس تسلكها
الى السماء بفضل العلم والباس
تراث عربى
عباس ابن فرناس
بيقول الشمس لمبة جاز
بس مكسية قزاز فى قزاز
وان الكون لوحه
واحنا لازم نخرج من البرواز
السلامونى
فصل
1
بيان
ا
ا
ا
ا
ا
ا
أدى اخرة اللى يفكر يطير
ياأهل قرطبة
الحاضر يعلم الغايب
والصاحى يفوق النعسان
بيان هام
وأهم بيان
أمر من جلالة السلطان
بعزل عباس بن فرناس
الذى يحرض الناس
على الطيران
الصاحى يعلم الغايب
والفايق يفوق النعسان
…
يا أهل قرطبة
عباس بن فرناس
صنع جلابية من ريش
وركب لها الجناحين
وطلع فوق المدنة يوم الجمعة
وطار قدام كل المسلمين
طار فوق كل البلاد
وشافوه كل البنى ادمين
ناس قالوا شبح
وناس قالوا شيطان
من هنا
أمر بعزله جلالة السلطان
الحاضر يعلم الغايب
والصاحى يفوق النعسان
………………
قالت الفتاوى الاسلامية وأيدتها السياسية
أن عباس مصاب بجنان
وايدت التقارير الطبية
قالوا زنديق وقالوا حيوان
ولكل حرية سطح
وطيرانه تجاوز كل حرية
كافر بشريعة الرحمن
يا أهل قرطبة
الصاحى يفوق النعسان
………………..
سبحانه
خلق لينا ليل وخلق نهار
من أول الدنيا لمنتهاها
وسما وأرض وبحور وأشجار
وخلق فيهم الانسان
ولكل كون أسرار
وعباس بن فرناس ركب جناحين وطار
خالف كل قوانين الحنون الجبار
عباس طار بدون استغفار
عايز يوصل الليل بالنهار
استرها علينا يا ستار
…
يا أهل قرطبة
بيقول مافيش بينهم ستار
وان الكون والعياذ بالله مش واحد
دا أكوان
اغفر له يامنان
من هنا
أمر بعزله جلالة السلطان
الصاحى يفوق النعسان
والحاضر يعلم الغايب
…………..
فرناس
بيقول الشمس لمبة جاز
بس مكسية قزاز فى قزاز
وان الكون لوحة
واحنا لازم نخرج من البرواز
……..
يا أهل قرطبة
فرناس اتجنن خلاص
بيقول عقل الانسان عش
والأفكار حمام بتطير
الطير مخلوق من الانسان
والانسان مخلوق طير
ممكن يطير زى الحمام واليمام والعصافير
من هنا
أمر بعزلة جلالة السلطان
سنتين
الحاضر يعلم الغايب
والصاحى يفوق النعسان
يا أهل قرطبة
……………………..
فصل
2
ادم الطيران
ا
ا
ا
ا
ا
ا
ا
ا
روح فى قضبان وكل ما ييجى الانسان يطير يكتفه الانسان
تعزلوا مين؟؟
يا جهله يا قتله
ياشوية عقول على الأرض مضلمين
انا عباس بن فرناس
ادم الطيران
لوكان فى العالم بنى ادمين
انا عباس بن فرناس
تحت رجلى الشمال ملايين السنين
وفى ايدى اليمين ملايين
تعزلوا مين
دا أنا اللى محدد اقامتكم
بس انتوا مش فاهمين
باقولها لكم يا شوية فاسدين
علماء وفقهاء وحكماء ومبدعين وسياسيين
مسيحيين قبل المسلمين
ومسلمين قبل المسيحيين
معارضين ومؤيدين
طرت أنا طرت
بدل الالف متر ملايين
ركبت جناحات فى دراعينى وطرت
روحى خطفت جسمى وفردت الجناحين
وحاطير وأطير وأطير
فوق كل القوانين
……..لم لسانك ياعباس يا بن فرناس واختصر فى دفاعك
دفاع مين؟؟
انا مش متهم
انتوا اللى متهمين
اصطادونى بالنبال
مافيش اسلام كدا يامسلمين
كل مااجى اطير تصطادونى بالسهام
واسلامنا قايم على التسامح والجمال
قسما بربى لأحول لكم الواقع خيال
لأعمل لكم قاعدة طيران من الجبال
واضفر السماء ببعضها باالحبال
انا عباس ابن فرناس
روح وعقل ولسان
حكمتوا على عقلى بالسجن
وزرعتوا ليه قضبان
السجن مش بيتى اللى حاتعزلونى فيه
السجن مش قضبان وجدران وسجان
اقسم لكم بالله
الروح تطير بالجسم من أى مكان
من كونا لكل الآكوان
بأمر من الرحمن المنان
خالق الكون والآكوان
…………………
قلتوا انت كفرت بقوانين ربنا
خليك يا أخى زينا
اتزرع فى الأرض معانا هنا
سبحان الله ربنا
خلق الأرض أرض والسماء سماء
توصلهم ببعض ازاى
…..يا أهل قرطبة
يقول الرحمن
(يا معشر الانس والجن
اذا استطعتم ان تنفذوا
من اقطار السماوات والأرض
فانفذوا
ولن تنفذوا اال بسلطان)
يا ايها الانسان
طير طير
طير
سبحانه خلقنا للطيران
………………………
فصل
3
مؤمن بن سعيد
ا
ا
ا
ا
ا
ا
ا
غار منه الشعراء والعلماء والفلاسفة والحكماء
يطير ازاى
ازاى يفك الغاز السماء
ازاى
يجيب خيال الشعراء تحت الحذاء
لأ يافرناس
دا أنا مؤمن بن سعيد شاعر الشعراء
ازاى تطير
وتبقى حديث الناس
مفكرين وفلاسفة وحكماء والفقهاء
وتدخل التاريخ من أوسع ابوابه
وانا اللى هو أنا ادخل تاريخ السفهاء
أااااااااااااااااااااه
(بطم على العنقاء فى طيرانها
اذا ما كسا جثمانه ريش قشم)
لا يا بن فرناس
مش حاتكون ادم الطيران
حاكتب فيك قصيدة
تتهز لها القبائل والوديان
فيلسوف وشاعر ومفكر
عايز ايه كمان!؟
دا أنا مؤمن بن سعيد
شاعر الانسان
حاجى لك يافرناس
وأشمت فيك ورا القضبان
حاخليك عبرة لكل الناس
وأشوفك مذلول ورا الجدران
جدران بيتك
أشوفك جعان ومهان
عايز تكون ادم الطيران
على مين
ماكنش لازم يعزلك السلطان
سلطان غبى
ماحكمش عليك ليه بقطع اللسان
ماحكمش ليه؟
بدفنك تحت الجدران
مادخلك التاريخ وخلاص
واللى كان كان
دخلك التاريخ من أوسع أبوابه
وصدقوك الناس
مؤمن بن سعيد راحت أيامه
ضيعتها عبقرية بن فرناس
……………………….
فصل
4
ليه مخروسين؟؟
ا
ا
ا
ا
ا
ا
ا
ا
ا
ا
أكوان ورا أكوان ممكن يطير لها الانسان
مايهمنيش
لا حاكم ولا محكوم
ولا محاكم التفتيش
بنعيش علشان ناكل
ولا بناكل علشان نعيش
كل ما عليها خفافيش
………………….
وحاطير …حاطير
غير الطيران ماليش
وبدون جناحين
حاطير..حاطير
لو دقيتوا فى رجولى مسامير
……………….
الخوف مسيطر عليكوا ليه؟؟؟
السلطان حكم
والحكم راجع ليه
سلطان جاهل
الجهل من راسه لرجليه
الجهل بحر
وهو غرقان فيه
……….
وانتوا ليه ساكتين؟؟
مثقفين سياسيين فلاسفة حكماء مفكرين
مخروسين؟؟
فيه اسلام فى الدنيا يسجن جناحين
فين المعارضة
مجلس الفلك فين
الشعب فين؟؟
هىء.هىء.شعب شعب مين؟؟؟؟؟
حاطير يعنى حاطير
انا ادم الطيران
لو كان فى الكون بنى ادمين
…………
فصل
5
افرج عن الحلم اللى جاى
ا
ا
ا
ا
ا
ا
افرج عن أدم الطيران افرج لو تهمك الأوطان
سيادة السلطان
احنا أطفال البلاد.أطفال العالم
ومعترضين على سجن ادم الطيران
احنا الأجيال اللى جاية
احنا عباس بن فرناس
احناالمستقبل اللى جاى
وانتوا الكبار الكبار
ضيوف علينا
ليه السجن والطغيان
احنا الأطفال والدنيا لينا
انتوا السجن والسجان
واحنا الانسان
ليه سجنتوا الخيال
الخيال فيه المعرفة والفن والعلم والجمال
فيه الانسان والانسان
نطالبكم
بالافراج عن ادم الطيران
ان كنت خايف علينا من الأوطان
احنا حانطير حانطير
لو حانركب على ضهر العصافير
لو مالقناش ريش
حانعمل جناحين من حرير
ونطير
غير الطيران مافيش
مش فرناس لواحده أسير
دا كل الأجيال اللى جاية
واحنا حقنا هنا
فى أرض قرطبة
ندافع عن فضائنا وأرضنا
ندافع بلحمنا ودمنا
حتى لو سجنتنا
سيادة السلطان
افرج عن عباس بن فرناس
افرج عن ادم الطيران
افرج
لو يهمك الأجيال اللى جاية
لو تهمك الأوطان
………………………
الامضاء
اطفال العالم
فصل
من الروح للقلب
6
ا
ا
ا
ا
ا
ا
فينك من يوم ماعزلوك عينى ماشافت عنينك
يا حتة من قلب القلب
وروح الروح
انا اتجننت خلاص
وحشنى
وحشنى قوى قوى قوى ياعباس
حبى ليك حايفضحنى
حايفضحنى قدام الناس
………..
انت فيييييييييييييين؟؟؟
غيرك
ماليش فى الدنيا غيرك
اجيلك ازاى
ازاى أجيلك
فينك
من يوم ما عزلوك
عينى ماشافت عينك
………………
من يوم ماعزلوك وأنا باستناك
هناك
ورا الجبل تحت الشجراية
بعيد عن عيون الناس
قول لى يا حبيبى قول يافرناس
ايه الحكاية؟؟
دا انا كل شوية أبص فى المراية
واقول يا وردة بكرا يرجع لك عباس
وحشنى يافرناس
يا فرنوستى
وحشنى
بيقولوا عزلك السلطان علشان الطيران
ودا يافرنستى جنان الجنان
ياما قلت لك
قلت حاطير يعنى حاطير يافرناس
والسلطان بيقول للناس
عباس بن فرناس كان عايز ياخد الشعب ويطير
ولو الشعب ركب جناحين
حايتحول لطير
واتحول أنا من سلطان لغفير
اااااااااااااااه
ليه يا عباس ليييييييييييييييه
من يوم ماعزلوك وأنا تعبانة
روحى من يومها اتعزلت عن الناس
بقت دبلانة
زى شجرة شرقانه
روحى فى جسمى غرقانه
فرنوستى
ايه الحكاية
حبيبى
سمعت من الناس
ان السلطان طالب منك اعتذار
اعتذار واحد
يحول حياتنا من ليل لنهار
اعتذر
اعتذر يا عباس
والناس مش هبلة ولا عبيطة الناس فاهمة كل حاجة
اعتذر وبلاش اصرار
اعتذر واخرج من ورا الأسوار
حياتنا يا حبيبى بقت مرار فى مرار
نفسى اشوووووووووووووووووووووفك
قلبى يافرنستى مولع ناااااااااااااار
روحى مريضة فيك بيك
وانت حاطط بينها وبين روحك الف ستار
فرناس
ان كنت بتحبنى قدم الاعتذار
من يوم ما طرت ياعباس
وحياتنا اتحولت لمرار
لو ماشفتكش ياعباس
مش طالع على نهار
حبيبى يا عباس
علشان خاطرى قدم للسلطان الاعتذار
……………
فصل
عاااااااجل
7
ا
ا
ا
ا
ا
الحاضر يعلم الغايب والصاحى يفوق النعسان
يا أهل قرطبة
اعلان هام
الحاضر يعلن الغايب
والصاحى يفوق النعسان
اعلن شاعر شعراء قرطبة
وفارس الميدان
مؤمن بن سعيد
ان عباس بن فرناس
ليس ادم الطيران
كان قبل منه فرسان
وفرسان
من أبو عباس الجهورى
الى ددالوس أمان
اللى طار بجناحين من الشمع
الشمع ساح
فى السماء البراح
سقط فى البحر غرقان
سموه شهيد العلم
شهيد الطيران
وهذا ما جاء على لسان
مؤمن بن سعيد شاعر العرب وفارس الميدان
قال كل هذا الكلام فى بيان
وكاتب قصيدة تكشف ابن فرناس الجبان
وحايلقيها يوم الجمعة
فى الميدان
قصيدة تفضح ألاعيب الشيطان
بن فرناس
الحاضر يعلم الغايب
والصاحى يفوق النعسان
واحنا منتظرينكم فى الميدان
بعد الصلاه
يا أهل قرطبة
……………………..
فصل
8
المعارضة
ا
ا
ا
ا
ا
ا
ا
ا
ا
الناس طول عمرها ظاهرة صوتية ينادوا باقامة الانسانية وهم ضد الانسانية
احنا المعارضة
والمعارضين
معارضة للسلطان والسلاطين
للى يمس حرية الانسان أو الدين
احنا مع الانسان والانسانية
ومعارضين للحكومة والحكوميين
طول عمرنا
والناس علينا شاهدين
نقول حرية ونترمى فى السجون
سنة واتنين وعشرة وعشرين
عيالنا تتشرد
والناس
الناس طول عمرهم مخروسين
ولما يتكلموا يقولوا انسانية
مافيش حرية بدون دم ولا دم بدون حرية
وانتوا الشعب
وعاملين مش فاهمين
احنا يا ما اتسجنا .اتسجنا علشان مين؟؟
واتشردت عيالنا
وانتوا مخروسين
ونصرخ فيكوا ياناس ياناس
وفى النهاية جايين تقولوا
المعارضة اتخلت عن فرناس
فرناس مين؟؟
حد قال له يطير. روحو ا افرجوا عن عباس
احنا متخازلين
وبعدين نعترض على مين أو نعارض مين
لو وقفنا مع ادم الطيران
السلطان حايمنع عننا الدنانير
ونتسجن قدام عنيكم
وانتوا تعملوا مش شايفين
وبعدين
لو السلطان باع البلاد
هى حاتروح فين
ما أحنا عايشين على قلبها عايشين
وايه يعنى لما السلطان يحبس عباس بن فرناس سنتين
احنا طول عمرنا محبوسين.
طيب ما انتوا طول عمركم مسجونين
ولو عباس طار
حايطيح بينا كلنا
حكوميين ومعارضين
سيبوه فى السجن
السجن طول عمره للمظلومين
ودا لا أول المساجين ولا أخر المساجين
انتوا حاتحكوا فى سيرته شوية وتنسوه
ما توجعوش دماغنا
لو صعبان عليكم بجد حرروه
انتوا طول عمركم ظاهرة صوتية
تقولوا الانسانية وانتوا ضد الانسانية
تحولتوا لشوية شعارات
…………………
روحوا حرروه من ورا القضبان
واحد جاى يقول وراء الكون أكوان
عايش فيها مخلوقات غير المخلوقات
وانا ادم الطيران
تصدقوه
كان لازم يسجنوه
ويارتهم سجانوكم انتوا كمان
دا جنان
حرروه
عباس بن فرناس
روحوا حرروه
ملعون أبوكم على أبو الحكومة
على أبوه.
……………………………..
فصل
9
خراب فى خراب
ا
ا
ا
ا
ا
ا
ا
ا
ا
ا
الجهل حكم العلم واللى كان كان
ربى
خلقت النور وخلقت الظلام
خلقت الصمت والكلام
خلقت بشرية بتقتل الأحلام
كل ما أركب دماغى واطير
يصطادونى بالسهام
ربى
سألوا السلطان
ليه حكمت على عباس ابن فرناس
بالسجن سنتين
قال يعنى لو طار عباس وخد الشعب معاه
أنا حاحكم مين؟؟؟
ربى
أنا عبدك عباس ابن فرناس
أشكوا اليك مر العباد
أشكو اليك فضائهم وسجنهم
أشكو اليك سماهم وأرضهم
أشكوا اليك علمهم وجهلهم
ربى
أنا عبدك عباس
نورت روحى وقلت أطير
وأخد معايا الناس
عبادك اصطادونى
قتلوا أرض العلم والفاس
وزى ما انت شايف عزلونى
قتلوا الفكر والقلم والعلم والكراس
ربى
أنا لا أملك غير الصفاء
يشهد على علمائك وشعرائك والحكماء
قررت اخرج من السماء للسماء
قررت أحطم جدران الفضاء
ونديت عليك يارب نداء مابعده نداء
عبادك كفرونى
حكموا على بالعزل
سجنونى
ربى
خد بايدى
انقذنى من جنس البشر
انقذنى ياسيدى
ألأرض بيييييييييييييير
وطيرانى منها يوم عيدى
ربى
شايف بروحى
أكوان ورا أكوان
شايفنى بروحى
ادم الطيران
والعياذ بالله
قالوا كفر وقالوا جاله جنان
افتوا بكفرى
والفتوى على كل لسان
ربى
الجهل حكم العلم
.واللى كان كان.
…………….
فصل
10
أيها الناس
ا
ا
ا
ا
ا
ا
عارف حكمى على عباس عامل بلبلة فى البلاد
والكلام ألآن
لجلالة السلطان
ممنوع الكلام
التزموا الصمت
تفضل جلالة السلطان
……………..
السلام عليكم ورحمة الله وبركاته
لكم جميعا السلام
ايتها الشعوب العربية
نحن أصبحنا نعيش فى واقع
يعجز أن يعبر عنه الكلام
واقع
تجاوز الكوابيس وألأحلام
أيها الناس
حكمى على عباس
عامل بلبلة فى البلاد
.وأنا قلت له يافرناس
انسى مسئلة الطيران واعتذر للناس
اعتذر للبلاد
دماغه ركبت العناد
طار
كان لازم ينصاد
ايها الناس
الحق أقول
ان عقلية عباس
تختلف عن كل العقول
اعترف أن العبقرية نازلة منها سيول
فى سيول
وهو مغامر وخجول
وانه يقرر يطير ويطير الناس
لما يقولها عباس
معقول ومش معقول
..بالروح والدم نفديك يا سلطان………………
الهدوء الهدوء
ديننالا يسمح بهذه المهاترات
مش اسلامنا بس
دا كل الديانات
…….بالروح بالدم نفديك ياسلطان الموت الذؤام لأبن فرناس ابن اللأم
الهدوء الهدوووووووء
نحن لا نقتل الناس
ومنعا للمشاكل عزلناه
وألآن نبحث حاشيته اللى كانت معاه
اللى محرضاه
واللى واقفة وراه
ايها الناس
الحق أقول
اخشى على الشعوب والحكومات
من نظريات عباس
اخشى على الديانات
ايها الناس
لازم تكونوا مدركين
ألأطفال فى البلاد
بيقلدوا عباس
كل طفل مركب جناحين
وبيحاول يطير
شفتهم بعينى
فى الشوارع والميادين
من يومين طايرين
…بالروح بالدم نفديك ياسلطان
ايها الناس
اعترف
ان عباس بن فرناس ادم الطيران
زى ماقرطبة أجمعت عليه
مسحين ويهود ومسلمين
؟……بالروح بالدم نفديك ياسلطان…………
انتوا بقى ليه غضبانين؟؟
ضد الشرع وضد الدين
قولولنا بصراحة
انتوا مع مين؟؟
العلم الكافر اللى خرج عن الدنيا والدين
ولا مع الدين؟
…..يسقط يسقط عباس بن فرناس..
لا يسقط فرناس ولا السلطان
احنا فى سفينة واحدة
اسمها الحياه
ولازم من اجل الآمن والأمان
يعتذر
قال مش حاعتذر يافخامة السلطان
عزلته وراء الجدران
انتوا ليه ساكتين
.بالروح بالدم نفديك ياسلطان..
ماتفدونيش ماتفدونيش
ماتفدونيش
لا انا عايز أموت
ولا عايز أعيش
تفدوا مين
قلتوا الكلام دا لكام خليفة من المؤمنين
لكام امير وكام سلطان
اللى حكمتوه حكمتوه
واللى صفتوه صفتوه
انتوا حرين
عباس بن فرناس عايز يطير بستاتكم وأولادكم
سبوه يطير
سبوه سبوه
انتوا حرين؟
انتوا حرين؟؟
فصل
كان لازم يقتلوه
11
ا
ا
ا
ا
ا
ا
ا
ا
ا
ا
كفر بالله وبالحيا وبكل شىء
كان لازم يقتلوه
ياأهل قرطبة يارجال
ماكنش لازم يعزلوه
كفر بالله وبالحياه وبكل شىء
تعزلوه؟؟
كان لازم تقتلوه
هو كدا دخل التاريخ
انتوا اللى نجمتوا عباس بن فرناس
انتوا اللى نجمتوه
لما سجنتوه
كان لازم تقتلوه
…….قول لنا يا أمير شعراء قرطبة هو ليه عاشق للطيران
طيران مين ياناس
دا واحد مجنون
افتحوا راسه
مليانة جنان
قال طيران قال
واللى نجمة غباء رجال السلطان
مش علشان طار مترين قدام الناس خلاص
يبقى ملك سر الكون
عباس بن فرناس ياناس مجنون
ياناس
لما دا يطير أنا أروح فين
هو انتوا مصدقين
انا مؤمن بن سعيد
شاعر القطرين
شاعر الملحدين والمسلمين
انا اشعر الشعراء
أنا اللى بخيال شعرى
بنيت لكم ارض وسماء
كشفت لكم عن الفضاء اللى بعد الفضاء
بشعرى
علمت الفلاسفة والحكماء والفقهاء
فرناس مين؟؟
دا لازم تضربوه بالحذاء
يا ناس
……………….
صدقونى
مافيش غير الشعر طيران
يا ناس افهمونى
بالشعر نطير لاى مكان
سبحانه الرحمن
منحنا خيال مفتوح
لا سجن فيه ولا سجان
جالنا صرصار بشرى حيوان
عايز يكون ادم الطيران
ليه وعلشان مين
علشان مين
هو الكون ماعدش فيه انسان
…………………………………….
فصل
مشتاقين
12
ا
ا
ا
ا
ا
ا
ا
النار اللى جوه روحك بتحرق فى روحى
روح قلبى ورده
اجمل ورداية
النار اللى جوه روحك
بتحرق فى روحى جواية
والحكاية ياحبيبتى
ان مافيش حكاية
ومش عارف اوضحها لك ازاى وفين؟؟؟؟؟
من الاخر
ماتبكيش على الدنيا
لأنها كلها على بعضها شوية سنين
معديين معديين
الدنيا يا بنت الناس
بينها وبين الموت خطوة ونص ولا خطوتين
وانت بتقولى اعتذر
اعتذر لمين؟؟؟
طيب لو اعتذرت عن علمى فى الدنيا
اروح من اخرتى فين
ورداية قلبى
مش مسالة اعتذار
صدقينى
المشكلة رجال السلطان
اجهل من الحمار
ايه اللى يشغلهم
طيران عباس او غير الطيران
وردة روحى
الاعتذار ايا كان اهانة
اهانه
ادانة مايغفرهاش الرحمن
واللى لازم يعتذروا على جهلهم رجال السلطان
وبعدين ازاى اعتذر
وانا ادم الطيران
سيبك انت
وحشتينى
قلبى ليك شرقان
روحى بحر
وقلبى فيها غرقان
حبيبتى
قولتيلى فى خطابك
انك عايزه تفهمى يعنى ايه كون والأكوان
خلينا فى الكرة الارضية دى بس
دا توهان فى توهان
الأرض يا بت ياوردة
عاملة زى الدوران
زى بيضة الفرخة او البطة بالظبط
بالنسبة للاكوان تعتبر شقه مفروشة
مش تمليك ايجار
كل اربعة وعشرين ساعة
ينزل عليها ليل ونهار
اما مسالة الطيران
دى كلها اسرار فى اسرار
كل البلاد شافتنى وانا طاير
وانت كاتبة لى لازم الاعتذار
اعتذار مين
وردة
انا قابل للتحدى
ورده حبيبتى
مش بايدى
لاانا قد السلطان ولا السلطان قدى
احنا فى ايام
لو جالك الطوفان
حط رجلك رجليك وعدى
الا الطيران
واللى لازم يعتذر للعلم والناس
هو السلطان
ازاى ازاى اعتذر
وانا ادم الطيران
حبيبتى
ماتغيبيش عنى كتاباتك
ابو القاسم الشابى بن فرناس ابن فرداس التاكرنى
…………………………….
فصل
13
سماء طائرة
ا
ا
ا
ا
ا
ا
ا
ا
ا
قالوا انه مخبى سما حمامة وحايطير بيها لكل السماوات
سيادة الفيلسوف
يا حكيم قرطبة
كان نفسنا تكون معانا هنا موجود
والله والله كان كله كسوف
مش قادر يبص فى وش الناس
ووشه كان اصفر دبلان
كان نفسنا نقول له احنا تلاميذ مولانا فرناس يا جلالة السلطان
ناقشنا
بالحجة والبرهان
……قولوا بس ايه اللى حصل فى خطبة السلطان
حصل يا مولانا حاجات وحاجات
قال انك كافر ومخالف شريعة الديانات
وقال انك مخبى سما من السماوات
حاتطير بيها فوق السماوات
وقال عليك عبقرى
وقال كل اللى قاله فرناس خذعبلات
السلطان كان كلامه كله توترات
مش عارف بيقول ايه اصلا
قال كان لازم يتعزل
يتعزل فرناس بالذات
وقال كفر وقال شيطان
والحق يقال
فيه ناس قطعته وقالت عليك انك ادم الطيران
وعايزين ينصبوك السلطان
…………………
فصل
14
أكوان
ا
ا
ا
ا
ا
ا
الكون ارض والانسان اكوان وحايطير لها الانسان
ابنائى الشرفاء تلاميذى المخلصين
يقولوا اللى عايزين يقولوه
معذورين
الشعوب شوية مساكين مضللين
والسلطان لا يهمه الناس ولا الدين
السلطنة فوق كل شىء
والجهل والعلم طول عمرهم متخاصمين
طلابى الانقياء
خليكم ايد واحدة دائما متوحدين
ولازم تعرفوا
حاييجى اليوم اللى الحديد فيه يطير
والطير فى السما هايكون بنى ادمين
والحديد حايطير على شكل طير
ويطير
لسما غير السماوات
اكوان تانية
فيها مخلوقات غير المخلوقات
حايعرفوا
أن فيه حاجه اسمها اكوان
حايطير لها الانسان
بسلطان
عقله
وروحه
قلبه كمان
وحايعجز الانسان مهما وصل من العلم والبيان
انه يوصل لكون الآكوان البصرية
ادم الاكوان
……………………
فصل
15
بيان تلامذة فرناس
ا
ا
ا
ا
ا
ا
ا
ا
مافيش دخان من غير نار.الناس بتقول فرناس طار
يا اهل قرطبة
مافيش دخان من غير نار
عباس طار
واحنا تلاميذه
المعلن منه والاسرار
لازم نحرروه
لازم نخطفة من وراء جدران الدار
فرناس مش نبى
لكن مختار
قالوا عليه زنديق
وقالوا حمار
مافيش فرار
السلطان حكم بعزله
واتنفذ القرار
عزلتوا عباس
واللى سار سار
……………….
طبعا
انتوا دلوقت مرتاحين
حكام ومحكومين
دبحتوا روح عباس بسيف الدين
وفى النهاية تقولوا احنا مش دمويين
……………………
والمعارضة
ومجلس الفلك والسياسيين
دخلوا الجحور زى التعابين
احنا تلامذة فرناس
ليوم الدين
وحانحرره حانحرره من وراء الجدران
احنا فرسان ادم الطيران
برغم انف الناس
برغم انف السلطان
…………………….
فصل
16
قاتل خيال الشعراء
ا
ا
ا
ا
ا
ا
ا
ا
ا
ا
ا
ا
تلاميذى الشرفاء الكون سلالم كل سماء وراها سماء
جلوووووووووووس
جلوووووووووووس
الدنيا ضلمة
والعلم فيها فانوس
الجهل شر مرض مدسوس
تلاميذى الشرفاء
الفرسان
اشكركم
لأنكم جايين تزورونى ورا الجدران
انا بخير
لا جعان ولا عريان
صدقونى
وهما اللى بكره يقولوا
كان ادم الطيران
كان اول رائد فضاءالسجن ماكسرنيش
دا انا عباس ابن فرناس
قاتل خيال الشعراء
تلاميذى الشرفاء
الكون سلالم
وكل سماء سلمه لسماء
الكون سلالم
والروح سلالمها للسماء الصفاء والنقاء
وبعد كام الف عام حاتكون الحروب على الفضاء
…سيادة الحكيم والحروب دى حاتكون بين العرب ومين؟؟؟؟؟؟؟؟
لا ياولدى العرب مش حايكونوا موجودين؟؟
لا مسيحيين ولا مسلمين
حايكونوا منقرضين
على الخريطة العالمية غير موجودين
ودا على مستوى الخريطة العالمية
لأن مافيش طيران فى الكون الا بالحرية
والعرب سادة القهر وقهر كل ديمقراطية
العرب ضد نور الله ضد الانسانية
والدين حايفضل هو الدين لنهاية الزمان
برغم ان سبحانه قال دا دين الاديان
لنهاية الزمان
حايفضلوا الملحدين ملحدين
ورجال الدين بفكرهم رجال دين
وعموما انا مش مسجون هم المسجونين
…مسجونين ازاى يا مولانا؟؟؟؟؟؟
مسجونين فى ارواحم وعقولهم
فى شرهم وجهلهم
فى فضائهم وارضهم
فى قوتهم وضعفهم
تلاميذى الشرفاء
الكون سلالم
وكل سماء حانطلعها
وراها سماء
……………
فصل
17
احنا الشعب
ا
ا
ا
ا
ا
ا
ا
ا
ا
ا
ا
احنا الشعب ومش فاهمين كل اللى نعرفه هو الدين
احنا الشعب
احنا الشعب
ومش فاهمين
طول عمرنا
مانعرفش فى حياتنا الا الدين
سمعنا ان السلطان عزل فرناس سنتين
عزله ليه وعشان مين
مش فاهمين
وعباس بيقول انا ادم الطيران
لو كان فى الكون بنى ادمين
مين اللى صح واللى غلط مين
فرناس ولا السلطان
مش فاهمين
مش فاهمين
لو هو مجنون زى ما السلطان بيقول
ليه سجنوه ليه عزله سنتين
مايعالجوه
احنا الشعب ومش فاهمين
احنا شايفنكم بتطلعوه من التاريخ وتدخلوا الغربيين
الغرب ولا الشرق اللى طار الاول مين
مش فاهمين
احنا الشعب
اللى يتجوز امنا نقول له يابا
اللى يتجوز امنا
يبقى من لحمنا ودمنا
يبقى سمانا وارضنا
والمولى يرعانا كلنا
ما احنا الغلابة
والدنيا من يوم ما اتخلقت اتخلقت فى غابه
حاكمها ديابة
احنا الشعب
اذا كان عباس
راسه براس السلطان
ونزلوا مع بعض معركة فى الميدان
دا بيقاتل علشان الكرسى
ودا بيقاتل علشان الطيران
واحنا الشعب
مين حاينتصر على مين
بكرا الزمان يقول كلمته
بكرا الزمان
……………………
فصل
18
مجهولين
ا
ا
ا
ا
ا
ا
ا
ا
ا
سامعين ان فيه مواطن عندكم اتحول لفراشة وطار افيدونا
ايها السلطان
وصلنا خبر مش حلو وصلنا الان
فى بيان
انتشر على كل لسان
ان فيه انسان
اتحول لفراشة وطار قدام الناس طيران
اسمه عباس ابو القاسم ابن فرناس
ازاى يفكر يطير الحيوان
انت كبرت وعجزت يا سلطان
فلتت منك البلاد واللى كان كان
ووصلنا كمان
ان اطفال البلاد بيقلدوه
كل طفل مركب جناحين وعايز يطير
وعايز يطير
مالكوش حق يا مسلمين
شوية خرفان فيران ضفاضع خنازير
ازاى تكونوا الهة الطيران واحنا موجدين
ايها السلطان
يطير يعنى ايه؟؟؟؟؟
ارسلوا لنا تقارير بيه
وكل الملتفين حواليه
بياكل ايه وبيشرب ايه
كام ساعة بينام
وليه بيقول انا ادم الطيران
وكام متر طار
سلطان البلاد
البلاد محتاجة سلطان
أرموه ورا القضبان
اسجنوه انفوه صفوه
امسحوا اسمه من على كل لسان
وانت عارف فى ساعة ننصب غيرك سلطان
انتوا شوية مسلمين
عرب جرب همج جرب خرفان
ازاى تحكموا البشرية ازاى
الكون دا مخلوق لينا دولة الانسانية العالمية منابعها اوروبية
اكتب لنا تقرير بكل صغيرة وكبيرة.والتفاصيل الصغنطاتين
ايها السلطان
سلطان المسلمين
قدامك يومين
قدامك يومين
………..
مجهولين
وانت عارفهم مين؟
فصل
19
اروح فين واجى منين
ا
ا
ا
ا
ا
ا
ا
ا
ا
ا
الحرب بين الشرق والغرب على الطيران
اااااااااااااااااااااااه
هو دا اللى ماكنتش عامل حسابة
كل دول العالم مش حايسيبونا فى حالنا
ياخراب بيتك يا سلطان ياخرابه
ايه اللى جرى لنا؟؟؟؟
ايه اللى جاب عباس ابن فرناس للزمن دا؟؟
ايه اللى جابه؟؟
أااااااااااااااااه
دى مابقتش حياه
دول اوروبا عايزه تطير
تطلع من الكون دا للغير
والله مجانين اجن من ادم الطيران
واضح ان بيحكمنا جميعا الجنان
وعباس عايز ياخد الشعب وبيطير بيه
لكل الاكوان
وانا مزنوق بين الاتنين
والاتنين مجانين
اروح فين اجى منين
عيل اختفى من اهله يومين
قالوا ركب جناحين وطار
اروح فين؟؟
انا مش قد الدول التانية دول بيشيلوا السلطان فى ثانية
وبيجيبوا غيره فى ثانية
والبلاد
نفسها تطير ورا عباس
مش بعيد اشوفها على وش السما عايمة
اعمل ايه
اعمل ايه
اعمل ايه؟؟؟؟؟
دول طالبين تقرير عن عباس
وعن النمل اللى ماشى تحت رجليه
اقول لهم ماطرش دا مجنون
الناس كلها شيفاه طار
وقال بلسانه فيه كون ورا الكون
اقتله
عباس مايهنش عليا
وأنا كل اللى حواليا خاينين افاقين
فلاسفة علماء فقهاء سياسيين
الا عباس
مش ممكن يخون
طول عمره طيب وحنون
اقتله ازاى
بس عامل لى فيها فراشة
طيب والله فكرة
ما اسيبه يطير
ويخدنى معاه
يركب الجناحين
وانا اركب جناحين
واشق وراه
طيب والشعوب حاتروح فين؟؟
اسيب الشعب لمين
الشعب ااااااااااااااااااااااااه
اه لو شافنا طايرين
حايصطادونا بالسهام زى ماصادوا عباس
يا امة المؤمنين
حد يفكر معايا
الكلاب البشرية المتقدمين
وصلهم الحكاية
ادى ارضى ياربى
وادى سمايا
اروح فين
واجى منين
……………………
فصل
20
فرناس
ا
ا
ا
ا
ا
ا
ا
ا
ا
وقبة السما خلفت سبع سماوات
صدقونى صدقونى
اقفوا اتفرجوا معايا
تابعونى
تلاميذى دا اللى حصل
لو كنت باكذب اقتلونى
حاحكى لكم على اللى حصل بالظبط
شفته بعيونى
تلاميذى ماتبصوش كدا ما تبحلقوش
بالظبط بالظبط
من خمس تيام
بالظبط بالظبط
قبل مانام
زرعت قبة سما فى ركن الاوضة
مش كوابيس ولا احلام
دى حقيقة
ومن هنا يحلى الكلام
.وبعدين وبعدين شوقتنا خالص وبعد مازرعت قبة السماء ايه اللى حصل
صحيت الصبح بابص عليها
لقيت قبة السماء
خلفت سماوات
بنجوم واقمار وشموس وسحب وغيوم
وكواكب ومجرات
زى ما انتوا شايفين
…..هيه وبعدين وبعدين شايفين شايفين.
جبت غطا الحلة النحاس اللى مرمى هناك دا وغطيت بيه نص وش الشمس
لقيت الأوضة اتقسمت نصين
نص ليل والتانى نهار
الف الغطا الضلمة تروح مكان النهار
ارجع الغطا النور يروح مكان الضلمة يتغير المسار
زى ما انتوا شايفين
الليل والنهار بوجههم بصبعين
بغطا الحلة
زى مانتوا شايفين
بصوابع ايدى
الحمد لله
والشكر لك ياسيدى
خلتنى اتحكم فى نور الحياه
الحياه بتلف على صوابع ايدى
..كمل ياسيادة الفيلسوف احنا سامعين وشايفين
صرخ السلطان
قال الضلمة والنور فى ايدين الولى ادم الطيران
قولوا لكل الناس يا اولاد
فرنسا فى ايديا
ضلمة البلاد ونور البلاد
قولوا للناس
فرناس فى ايديه الليل والنهار
بغطا حله نحاس
…..والسماوات التانية دى جت منين فيه اربع سماوات موجودين
سؤال متين
فى كل ركن من الاوضة زرعت قبة سما
وكل سما خلفت سما
….يادى الهنا يا دى الهنا قول يا استاذ قول
بكرا السلطان وحاشية السلطان ييجوا لنا راكعين
مجموعة مجموعة فرد فرد
مدد يا الله يا اله الكون مدد
تلاميذى المخلصين
مين بقى دلوقت اللى محاصر مين
انا ولا الامراء والملوك والسلاطين
مش قلت لكم
بكرا قدامكم حاييجوا خاضعين
الا نور الله نور ابناء الصالحين
صدقونى
كل ماينزل عليهم نهار حاسحبه
واغطيه بسواد ليل
ممكن ابعت لهم ليل خفيف وليل تقيل
تلاميذى الصالحين
الاكوان اللى قدامكم دى سر الاسرار
هم دلوقت ما يعرفوش غير فرناس طار
ولو عرفوا موضوع السماوات دى
حايقتلونى
صدقونى
مش حايسيبونى مش حايسيبونى
تلاميذى المخلصين
لأنكم انتوا الوحيدين
اللى شايفين
ازاى بقيت ادم الطيران
وقدام عينيكم اربع اكوان
تلاميذى الشرفاء
كشفت لكم سرالارض والسماء
رغم انف الوجود رغم انف السلطان
كشفت للعلماء خريطة الكون والاكوان
خريطة كل فضاء
لو قتلونى ما يهمنيش
المهم عندى
ان كل عالم وفيلسوف فيكم
لازم يعيش
لازم يكون عباس
كل تلميذ فيكم
لازم يطير بالناس
لازم يطير بالناس
………………….
فصل
21
كلكم فرناس
ا
ا
ا
ا
ا
ا
ا
ا
وحايعجز الانسان فى اكتشاف الكون الرئيسى اللى وراء الاكوان
امس وقفت عند الكون الكبير مكون الاكوان واليوم كمل يا ادم الطيران
يافيلسوف
يا ابوالجرائة كلها
يالى زرعت الجرائة فى قلوبنا كلها
وشيلت من جوانا الخوف
فهمنا
اعمل فينا معروف
فين الضلمة وفين الشوف
…….حاقول ايه بس يا ابنائى الشرفاء الانقياء
احنا قدامنا الآن
فى اركان الاوضة اربع اكوان
مرفوعين بدون جدران ولا حيطان
مرفوعين على انوار عمدان
……احنا تلاميذك يا ادم الطيران.
ومن حقنا نعرف ليه انت متوتر قلقان
سهران حيران
قلقان من ايه فى وجود الرحمن المنان
..ابنائى الأنقياء
بابحث عن كون من الاكوان
الكون دا فى روحى
فى كل صلاه يختفى ويبان
بوش روح انسان
وان الارواح ا نواع
ارضية وكونية
كون بره كل العقول والخيالات
كل كون متكون من سبع سموات
وشمس وقمر ومجرات
وكل كون من الاربعة
فيه مخلوقات غير المخلوقات
والاكوان لم تصل اليها النظريات
الا فى علم واحد فقط
علم الكونيات
سحب بيضة وضباب
مين مين مين
مين بيخبط ع الباب
………
فصل
22
بيان
الصاحى يفوق النعسان
ا
ا
ا
ا
ا
ا
ا
ا
عجبت لمن لا يجد قوت عقله كيف لا يخرج على الناس شاهرا قلمه
الحاضر يعلم الغايب
والصاحى يفوق النعسان
نما الى علم جلالة السلطان
ان ابو ذر الغفارى وجاليليو
ذاروا فرناس فى المنام
وأبو ذر قاله بالنص الواحد
فرناس انتهى زمن الكلام
كل اللى حواليك من بشر اوهام
كل شهداء الطيران بيرسلوا لك السلام
عجبت لمن لا يجد قوت عقله فكيف لا يخرج على الناس شاهرا قلمه
واللى حكم عليك بالعزل دا مش الاسلام
دى مصالح السلطان
يا اهل قرطبة
الحاضر يعلم الغايب
والصاحى يفوق النعسان
فرناس كل يوم يزوره فرسان
فرسان من كل زمان ومكان
بيزوروه
صاحى ونعسان
يقروا له من الانجيل والتوراه والقران
وبيزوروه علماء وفلاسفة
من كل الاكوان
وكل ما ييجى يعفوا عنه السلطان
يقول انا ادم الطيران
البلاد بسبب عباس رايحة فى ستين الف داهية
واللى كان كان
والصاحى يفوق النعسان
………………………..
فصل
23
السلطان
ا
ا
ا
ا
ا
ا
ا
ا
ا
كل دول العالم بيهددونى بالخطابات
انتوا يا خدام
ياصراصير يافيران
فين الناس
الناس فين
المعارضة والفلاسفة والشعراء
فين السياسيين والفقهاء
فين مؤمن ابن سعيد
كلهم نايمين
كلهم مش دريانين
ااااااااااااه
فين الخدامين والخدامات
كل دول العالم بيهددونى بالخطابات
بيهددونى بحشرة من الحشرات
ابن فرناس
الناس فين فين الناس
طلع لى منين دا وكان مستخبيلى فين
طلع لى منين ادم الطيران
وازاى عرفوا ان فى بيته اربع اكوان
وارض وسماوات
انا حاتجنن يابشر حاتجنن ياحشرات
ياناس
امال اللى احنا عايشين فيه دا ايه؟؟
دا مش كون ولا دا مش كون؟؟؟؟
طيب عاقل يسكت ويتكلم مجنون
يطير عباس يحط عباس تخرب ما تعمر
اللى يكون يكون
…………………
فصل
24
خطبة الوداع
ا
ا
ا
ا
ا
ا
ا
مرحلة الجسد والروح والنفس واللسان.هو دا اللى قاله ادم الطيران
ابنائى الشرفاء تلاميذى النبلاء
الخطاب دا فيه رسالة لكل الناس
منى عباس ابن ابو القاسم بن فرناس
اللى لعب الليل والنهار فى اديه
على غطا حله نحاس
فرناس اللى سجنوه
وطير الناس
افتحوا الجواب واقروه
الزمن اللى جاى لازم تعرفوه
تقاوموه
تفهاموه
التاريخ اللى حاربوا عليه دا
مش حايكون فيه تاريخ ولا رهان
لأن التاريخ
حايتقسم تلات اقسام
مرحلة الجسد
مرحلة الروح
مرحلة اللسان
يعنى مرحلة الكلام
الكلمة
صورة
والصورة روح وجسد ووجدان
والآن
احنا فى زمن بيهين وكل منا مهان
زى ما انتوا شايفين
حكم عليا السلطان
بعزلى سنتين
وخدعوا كل الناس
مسيحيين ومسلمين
وقالوا دا حكم الاسلام
والاسلام بريىء منهم ليوم الدين
فصلوا الاسلام على دماغ السلطان
يعنى مافيش اسلام
ولا مسيحية ولا يهودية
سيسوا الاديان
وخلوها دنيوية
وهى
كونية
سماوية
ارضية
افتحوا الجواب دا واقروه
.
……..
……………….
……………………….
………………………………………
……………………………………………
بس الله الرحمن الرحيم
ايها الانسان
منى اليكم عباس ابن فرناس ادم الطيران
الازمة القادمة
حاتطير بروحك من الكون الارضى لكل الاكوان
الأرواح حاتطير من الأجسام
خلص الكلام
ايها الانسان
فى الزمان
حيجمعوا الكلام اللى طلع من اول انسان فى المكان
لأخر انسان
ويحنطوه
يترجموه ويحللوه
يعرفوا من خلاله كل عصر وكل مكان
مم هنا
اتخلق الانسان
جسد وروح وكلام
وحاتعرفوا ان فرناس كان اول من طار ادم الطيران
وان سبحانه خلق الانسان
مش علشان
يتزرع فيها لاخلقه روح وجسد وخيال
يطير من ارض القهر
لسماوات الحرية الجمال
والسلام عليكم ورحمة الله وبركاته
الامضاء
عباس ابن فرناس
ادم الطيران
……………………………….
فيديو :
