عرفات: هنزود أسعار القطارات.. والرئيس: «المهم ناخد خدمة»
قال هشام عرفات وزير النقل، إن السكك الحديدية مرفق لكل المصريين وعلينا تطوير التشوه بالمرفق، لضمان الخدمة الجيدة .
ورد الرئيس عبد الفتاح السيسي : “خليني أعرف الأول أنت مصاريف التشغيل السنوية كسكة حديد كام؟، والدخل اللي بيجيلك من التحصيل؟ بصراحة كده”، فرد الوزير : “بيجلنا من التحصيل 1.9 مليار جنيه، ونقل البضائع 300 مليون لإنه تأثر بشكل كبير بمنظومة دعم السولار، فالناس سابت السكة الحديد وراحت للطرق، فبنحاول نرجع نقل البضائع عشان نعوض الخسائر”.
وتابع: “هنصرف على السكة الحديد لحد 2022، 52 مليار جنيه”، فرد الرئيس: “المهم المصريين يسمعوا الكلام ده ويخدوا خدمة لو دفعوا زيادة وتكون مناسبة ليهم كمان”.
واستكمل الوزير: “عندنا 190 مليون شخص بيركبوا قطارات الضواحي هي ببلاش أصلا.. بيدفعوا جنيه وربع، فمش هنقدر نسبها كده لإننا بنخسر مبالغ خيالية”، لأول مرة في تاريخ السكة الحديد عملنا عقد إعلانات بـ مليار و300 مليون جنيه ودي عمرها ما حصلت في القطاع .
ووجه السيسي حديثه : “عليكم مديونية ؟ ” ، فقال الوزير : “علينا 40 مليار جنيه وخسائر سنوية لذلك منظومة الأسعار سيئة جدا”.
https://www.youtube.com/watch?v=Hb07SiA1LMw
التحرير
